Një ngjarje e rëndë ka tronditur Kamzën pasi një 55-vjeçare ka ndërruar jetë në rrethana misterioze.
Autoritetet dolën me një sqarim zyrtar për vdekjen e gruas, madje arrestuan edhe bashkëshortin e saj.
56-vjeçari rrëfeu në Komisariatin e Kamzës se nuk e kishte denoncuar vetëvrasjen sepse kishte frikë se s’do e besonin familjarët e saj. Ndaj dhe e denoncoi për shkaqe natyrale.
Ndërkohë që raportohet se çifti kishte probleme prej kohësh. Madje ka pretendime se 56-vjeçari e dhunonte prej kohësh bashkëshorten e tij duke e shtyrë drejt vetëvrasjes.
Shefqet Lika akuzohet për veprat penale “Shkaktimi i vetëvrasjes” dhe “Veprime që pengojnë zbulimin e së vërtetës”.
Çifti ka pasur konflikte të shumta prej shumë vitesh, ndërsa bashkëshorti ka ushtruar dhunë sistematike ndaj saj.
Në javët e fundit mësohet se ajo ishte larguar nga banesa dhe kishte jetuar tek e motra. • Fëmijët e tyre jetojnë jashtë vendit, ndërsa raportohet se pas mbërritjes të hënën kanë pasur debat me familjarët e të atit.
Kjo pasi kanë kërkuar që trupi i pajetë i nënës së tyre të përcillet për në banesën e fundit vetëm nga familjarët e saj.
j.l./ dita
