Në Parma, në miqësoren Shqipëri-Kili, ishin të pranishëm shumë menaxherë, drejtorë klubesh, ku ndoqën nga pranë disa nga legjionarët kuqezi.
Sigurisht, interesimi i Juventusit për Mario Mitaj bërë shumë buje, duke përqendruar vëmendjen tek mëngjarashi i kombëtares, por sipas mediave italiane, në vëzhgim nuk ishte vetëm Mitaj.
“La Gazzetta dello Sport”, shkruan se edhe Xhovanni Sartori, drejtori sportiv i Bolonjas, ishte i pranishëm në “Ennio Tardini”, por fokusi i tij nuk ishte Mario Mitaj, por Nedim Bajrami.
Fantazisti kuqezi vlerësohet shumë në Serie A, pavarësisht se te Sasuolo gjërat nuk po shkojnë si pritej, dhe Bajrami është viktimë e momentit negativ që po kalon ky ekip: 3 gola dhe 2 asiste në 44 ndeshje, këto janë shifrat e Bajramit te Sasulo, shumë larg paraqitjes së tij tek Empoli: 22 gola 22 asiste në 127 ndeshje.
Fantazisti kuqezi është një profil që pëlqehet nga drejtuesit e Bolonjas, shihet si një përforcim cilësor për sezonin e ardhshëm ku Bolonja pritet të luajë në Evropë.
j.l./ dita
