Astronautët e anijes Artemis II janë kthyer shëndoshë e mirë në Tokë, duke i dhënë fund misionit të tyre historik 10-ditor drejt Hënës.
Ekuipazhi u ul në Oqeanin Paqësor në orën 00:07 GMT (20:07 EDT), ndërsa komandanti Reid Wiseman konfirmoi se të gjithë anëtarët janë në gjendje të mirë shëndetësore.
“Ky është fillimi i një epoke të re të eksplorimit të hapësirës nga njeriu”, deklaroi NASA pas përfundimit të suksesshëm të misionit.
Më 6 prill, anija kozmike arriti distancën maksimale prej 406,771 kilometrash nga Toka gjatë fluturimit rreth Hënës, duke vendosur një rekord të ri për udhëtimin më të largët të realizuar ndonjëherë nga njerëzit në hapësirë.
Ata udhëtuan më larg Tokës se kushdo tjetër në historinë e njerëzimit, duke thyer rekordin e vendosur më parë nga Apollo 13 në vitin 1970-të.
Trump uron ekuipazhin e Artemis II: Hapi tjetër, Marsi!
Presidenti amerikan Donald Trump përgëzoi astronautët e misionit Artemis II për rikthimin e suksesshëm në Tokë, pas udhëtimit historik rreth Hënës.
përmes një postimi në rrjetin Truth Social, duke i ftuar në Shtëpinë e Bardhë, Trump theksoi ambicien për misione të tjera në vijim.
“Urime ekuipazhit të shkëlqyer dhe shumë të talentuar të Artemis II. I gjithë udhëtimi ishte spektakolar, ulja ishte perfekte dhe, si President i Shteteve të Bashkuara, nuk mund të jem më krenar! Do ta bëjmë përsëri dhe pastaj, hapi tjetër, Marsi!”, tha Trump.
j.l./ dita
