Një aksident i rëndë ka ndodhur në rrugën që të çon në zonën e TEG në Tiranë.
Një makinë tip Audi sipas të dhënave të para është përplasur me ndarëset e betonit, me shpejtësi të lartë.
Pasojat janë fatale. Dy të reja kanë vdekur, tre janë personat e plagosur.
Në pamjet e dërguara në Dita nga dëshmitarë të ngjarjes shihet një nga udhëtarët, femër, e nxjerrë nga forca e përplasjes në rrugë.
Pamjet janë marrë sapo ka mbërritur ndihma e shpejtë që po nxjerr një të aksidentuar tjetër nga makina që po digjet.
Dyshohet se shkak i aksidentit ka qenë shpejtësia shumë e lartë e mjetit.
Ai ka fluturuar nga mbikalimi ka rënë poshtë në rrugë mbi një makinë tjetër në lëvizje, para se të përplasej fort në barrierat e betonit.
i.b. / dita
