Presidenti Donald Trump, gjatë një konference për mediat, ka harruar që Venezuela drejtohet nga një femër, pak më shumë se dy muaj pasi urdhëroi ushtrinë amerikane të arrestojë ish-presidentin Nicolás Maduro në banesë.
“Venezuela, që ka qenë fantastike, marrëdhënia me Venezuelën ka qenë e shkëlqyer,” tha Trump gjatë një konference për shtyp mbi mbylljen e Qendrës John F. Kennedy.
“Presidenti ka bërë një punë shumë të mirë. Unë shkoj shumë mirë me të,” shtoi Trump.
Mirëpo, Venezuela nuk ka një president burrë. Presidentja në detyrë e Venezuelës është një grua, të cilën ai vetë e ka zgjedhur, Delcy Rodríguez. Ajo është ish-zv.presidentja e Maduros, e cila mori pushtetin menjëherë pas operacionit amerikan ushtarak në janar, ku Maduro u kap dhe u dërgua në SHBA për t’u gjykuar.
Më herët, Trump e kishte lavdëruar Rodríguez-in, duke anashkaluar lideren e opozitës María Corina Machado, e cila madje i kishte dhuruar presidentit amerikan medaljen e Çmimit Nobel për Paqe që kishte fituar për rolin e saj në kundërshtimin e regjimit të Maduros.
j.l./ dita
