Marco Raduanos, i njohur me pseudonimin “Gargano” është arratisur nga burgu i sigurisë së lartë në Itali.
Mediat italiane kanë publikuar pamjet, ku shihet se si Raduanos zbret nga dritarja e qelisë përmes disa çarçafëve që i kishte bërë si litar dhe i kishte lidhur me njëri-tjetrin.
Arratisja e tij ka ndodhur të premten, rreth orës 17:00, por mungesa e tij është vënë re nga oficerët e burgut gati dy orë më vonë.
Mësohet se pasi ka dalë nga burgu, ka hipur në një makinë që po e priste jashtë, çka bën të thuhet se arratisja ka qenë e planifikuar.
Autoritetet italiane kanë ngritur postblloqe të shumta për ta kapur sa më shpejt “Garganon”.
Marco Raduano, 40 vjeç, nga Puglia është një element kryesor i krimit të organizuar në Gargano.
Raduano ka një karrierë shumë të gjatë kriminale dhe mbi shpinë ka dënime që duhet të përfundonin në vitin 2046, për trafik droge, vrasje, krime kundër personit, kundër pronës dhe në fushën e armëve dhe drogës.
Më 3 shkurt, ai u njoftua për një dënim prej 19 vitesh burg, me tre vite shtesë me kusht. Dënimi i tij erdhi si pasojë e ‘Bora e Marsit’, emri i operacionit në kuadër të të cilit, ai u arrestua në tetor të vitit 2019, bashkë me 14 persona të tjerë.
Burgu i Badu është një burg i sigurisë maksimale ku mbahen disa terroristë dhe mafiozë dhe nga i cili askush nuk ia ka dalë asnjëherë të arratiset.
j.l./ dita
