Kryeministri Edi Rama është përballur sot me një tjetër grup proteste gjatë një vizite në zonën e ish-uzinës së autotraktorëve, e cila është kthyer në një ambient për firmën e mbytur në skandale ‘KAYO’.
Banorët e zonës i kanë dalë përpara Ramës në hyrje të godinës, ku shihej baltë dhe gjendje e rënduar e rrugës. Ai i ka pyetur nëse kanë ndonjë kërkesë.
“Një kërkesë kanë këta. Jep dorëheqjen dhe ik në burg. Me Kayo, me Gys Agasin, me Roni Yeffet, ajo tjetra nga Kosova (Vlora Hysenin). Burgu po të pret, nuk ke nga shpëton. Uji i pijshëm është ky, ja ca pinë banorët. Bën sikur i qan hallet”, – i përgjigjet përfaqësuesi i banorëve.
Ndërkohë, në video dëgjohen banorë të tjerë që lëshojnë thirrje kundër Ramës, “hajdut, kriminel”, etj
Përveç tubimit të përnatshëm në bulevard, protesta katërmujore qytetare është shtrirë në vatra të reja ditore. Studentë e banorë po organizojnë aksione përpara institucioneve apo vendndodhjeve të politikanëve, duke kontestuar ashpër skandalet e shumta thuajse të përditshme dhe shpërdorimin e financave publike me thirrjet “hajdut”.
o.p. / dita
