Një aksident i rëndë ka ndodhur në Turqi, ku raportohet se 5 persona kanë humbur jetën dhe 38 të tjerë janë plagosur.
Ngjarja ka ndodhur në rrethin Mudanya të Bursës, aty ku autobusi i cili po transportonte turistë u përmbys në një park në İnegöl.
Autobusi po transportonte njerëz nga distrikti Tavşanlı i Kütahya në rrethin Mudanya të Bursës.
Mjeti u tërhoq zvarrë për rreth 20 metra e më pas ndaloi pas përplasjes me një pemë.
Të plagosurit u dërguan në spitale të ndryshme në Bursa dhe Kutahya.
Aksidentet me shumë viktima dhe të plagosur janë kthyer në lajme të përditshme në Turqi.
Kujtojmë se 9 ditë më parë një tjetër autobus u përmbys, ku mbetën 16 të vdekur dhe 22 të plagosur.
j.l./ dita
