Kanë nisur hedhjet e para të mjeteve piroteknike dhe sendeve të forta në drejtim të godinës së Ministrisë së Arsimit, ku studentët janë mbledhur për të protestuar. Ndërkohë, Forcat e Ndërhyrjes së Shpejtë janë pozicionuar pranë institucionit, ndërsa policia ka shtuar praninë në zonë.
Pavarësisht se protesta ishte paralajmëruar të niste në orën 14:00, studentët kanë filluar marshimin rreth dy orë më herët, duke u grumbulluar përpara Ministrisë së Arsimit.
Të rinj nga Fakulteti i Mjekësisë, Shkencave të Natyrës, Historisë dhe Filologjisë, si dhe nga fakultete të tjera, janë bashkuar në tubim për të mbështetur kërkesat e tyre dhe për të kërkuar largimin e kryeministrit Edi Rama.
Ndërkohë ka nisur hedhja e sendeve piroteknike drejt godinës, janë shkulur kangjëllat metalike dhe dera kryesore, teksa para saj u pozicionua dhe policia.
Protesta e sotme vjen pas tensioneve të një dite më parë në kryeqytet, ku gjatë përplasjeve mes protestuesve dhe policisë pati edhe persona të lënduar.
Mes tyre ishte edhe një 19-vjeçar i cili pësoi frakturë në këmbë pas goditjeve që, sipas raportimeve, mori nga efektivët e policisë.
Ndërkohë, përpara Ministrisë së Arsimit, prania e shtuar e forcave të rendit dhe hedhja e mjeteve piroteknike kanë krijuar një situatë të tensionuar, teksa studentët vijojnë protestën.
j.l./ dita
Na plasi noc rroku se shkulin kangjella keta mercenare me meditje. Te gjatin do marrin si gjithmone. Sa here qe gjoja protestojne, me thelle ju futet. Mos u manipuloni mos u jepni rendesi dhe mos u beni pjese me ta. Jane grupe te paguara nga qarqe okultiste globale, qe duan kaos dhe trazira civile, per te impozuar me vone diktaturen e tyre globale. Duan sebepin se thote dhe populli. E njejta histori po financohet dhe ne shume vende te tjera, si psh France. Media eshte e kapur dhe e shitur te i njejti grup qe financon keta mercenare kokeboshe, por edhe qeveria e partite politike. Eshte nje zhvillim per te mbjelle kaos ne Shqiperi qe ata te shpalosin me vone axhenden e tyre diktatoriale dhe antinjerezore.
Erdhi dita te ngresh koke,te luftosh.
Drejtesine bashke me shoke te kerkosh.