VIDEO: Pisi dhe Pastërtorët – Editorial nga Bedri Islami

PIS…FËLLIQËSIRË… KRIMINEL… Është e vështirë të besohet se fjalët e mësipërme janë të krerëve të opozitës së  politikës shqiptare. Një opozitë e rënë në humnerën e ideve të saj nuk arrin dot të dalë nga bataku ku është futur vetëdijshëm dhe që, prej andej, nuk bën gjë tjetër, veçse i zgjat jetën një pushteti absolutist dhe autokrat, që, krejt lirisht bën çfarë të dojë me qeverisjen, jetët njerëzore, të ardhmen dhe grabitjet që po bëhen të natyrshme.

Në një emision televiziv nënkryetari i opozitës, Luçiano Boçi i ngërthehet shefit të qeverisë dhe e cilëson “pis”. Shefi i Partisë së Lirisë, Meta, i trullosur nga çfarë ndodh rreth tij dhe  pa dalje për enigmën e mëtejshme të jetës së tij, i drejtohet një qytetari të zakonshëm si “fëlliqësirë”. Nga ballkoni mbi rrugën e kullës së ngujimit, shefi i Rithemelimit në çdo fjalim përmend kriminelët që kanë përmbysur pushtetin e tij. Dhjetëra të tjerë, në gjurmët e tyre dhe , për hir të tyre, shkapetin fjalët si  krisma pushke dhe e dinë se, sa më harbutë të jenë, aq më afër do të gjenden pranë shefit të tyre.

Këto njerëz duan të vijnë në pushtet. Të jenë të besuarit e njerëzve. Të ndryshojnë vendin. Duan të rikthehen në parajsën që e kanë humbur 12 vite më parë përmes gjëmimit të fjalëve që nuk janë të denja as për vagabondët e lagjeve të periferisë, dhe as për buzëhollët e qendrave.

Shihni editorialin e përgatitur nga DITA.