Në një video të qarkulluar së fundmi në rrjetet sociale, shfaqet një grua me ngjashmëri të lartë me ish-ministren Evis Kushi. Në materialin audiovisual, kjo grua duket duke folur në mënyrë të papërshtatshme dhe duke tundur një kartëmonedhë, ndërsa dëgjohet komenti “Po ti tall bythën”, pasuar nga shfaqja e një prerjeje më të madhe monetare.
Përmes një deklarate publike, Evis Kushi ka mohuar të jetë ajo në video.
Pjesë nga reagimi:
“Personi në video nuk jam unë dhe nuk kam asnjë lidhje me këtë përmbajtje.
Është e papranueshme që, përmes manipulimit dhe keqpërdorimit të teknologjisë, të tentohet të tjetërsohet identiteti i një personi dhe të cenohet dinjiteti dhe reputacioni i tij. Për këtë arsye, sot kam paraqitur një kallëzim pranë organeve kompetente”.
Mbetet për t’u parë nga një hetim i mundshëm, nëse do ketë të tillë kush është gruaja që shfaqet në video.
o.peci / dita
