Një efektiv policie i gjendur pranë selisë së Partisë Socialiste, është përfshirë nga flakët për shkak të molotovëve të hedhur nga protestuesit.
Ai vrapon dhe rrotullohet në tokë në përpjekje për të shuar zjarrin, ndërsa më pas janë kolegët që ndërhyjnë me një fikëse zjarri.
Ministria e Shëndetësisë ka njoftuar se deri tani ka tetë të plagosur nga përleshjet e sotme, mes tyre edhe një deputet dhe një gazetare.
Protestuesit janë ndarë në dy “fronte”, Persona të identifikuar me PD drejtojnë grupin e molotovit dhe i kanë venë zjarrin Teatrit të Kukullave, pranë PS-së.
Gazi lotsjellës ka pushtuar ndërkohë sheshin “Skënderbej” dhe bulevardin. Protestuesit kanë thyer edhe dritaret e bashkisë.
Një grup tjetër ka bllokuar rrugën “Myslym Shyri” dhe u ka vënë flakën kazanëve të mbeturinave.
Policia ka arritur t’i largojë nga bulevardi me gaz lotsjellës, ujë dhe plumba gome. Forcat RENEA janë dislokuar sërish te Kryeministria.
o.p. / dita
