Policia e Tiranës ka sqaruar konfliktin e ndodhur pasditen e sotme te Rrethrrotullimi i “Zogut të Zi”. Pas publikimit të pamjeve në rrjet, policia bën me dije se, ngjarja ka ndodhur rreth orës 18:45, pasi dy persona, të identifikuar me iniciale A.H 49-vjeç dhe M.H 23-vjeç i kanë gërvishtur makinën një 28-vjeçari me iniciale E.Sh.
Si pasojë e gërvishtjes së makinave, të lartpërmendurit, të cilët janë identifikuar vetëm me iniciale, kanë nisur të konfliktohen dhe kanë goditur me grushte njëri-tjetrit duke pësuar edhe lëndime. Të tre janë shoqëruar në Komisariat ndërsa hetimet për sqarimin e rrethanave të ngjarjes vijojnë.
m.b./dita
