Pamjet të reja janë publikuar nga momenti kur autori i sulmit me armë zjarri në darkën e korrespondentëve, ku ndodhej edhe Donald Trump ka thyer sigurinë dhe është futur në sallën e eventit.
Siç shihet edhe në pamje, autori kalon sigurinë dhe futet në sallën, ku po zhvillohej evendit, por menjëherë kanë reaguar forcat e sigurisë dhe Shërbimi Sekret.
Në një postim në platformën Truth Social, Trump publikoi një foto të autorit të dyshuar të krimit, Cole Tomas Allen të shtrirë pa lëvizur në dysheme me duart e lidhura pas shpine.
— Rapid Response 47 (@RapidResponse47) April 26, 2026
Sipas CNN, fillimisht u raportua se autori i të shtënave ishte i vdekur. Megjithatë, Shërbimi Sekret dhe Trump kanë thënë se autori është arrestuar. Autoritetet e kanë identifikuar të dyshuarin për të shtënat si një burrë 31-vjeçar nga Kalifornia.
Sipas raportimeve nga media amerikane, i dyshuari është parë duke vrapuar drejt sallës së eventit përpara se të ndalohej nga forcat e sigurisë.
Ai besohet të jetë një 31-vjeçar nga Torrance California, në periferi jugperëndimore të Los Anxhelosit, në Kalifornia. Autoritetet në Washington DC kanë bërë të ditur se i dyshuari ndodhet aktualisht në spitalin lokal, ku po merr trajtim mjekësor, ndërsa mbetet nën mbikëqyrjen e policisë.
Ndërkohë, Prokurori i Përgjithshëm i SHBA, Todd Blanche, deklaroi se ndaj tij pritet të ngrihen akuza “shumë shpejt”. Jeffery W. Carroll, shefi i përkohshëm i Departamentit të Policisë Metropolitane, thotë se i dyshuari mbante disa armë.
“Ai ishte i armatosur me një pushkë gjahu, një pistoletë dhe disa thika”, thotë ai.
Trump fillimisht donte të kthehej në vendin e Darkës së Korrespondentëve të Shtëpisë së Bardhë, por Shërbimi Sekret ishte kundër kësaj. Trump në fund tha se po kthehej në Shtëpinë e Bardhë dhe do të mbante një konferencë për shtyp.
Donald Trump ishte planifikuar të fliste në këtë ngjarje, paraqitja e tij e parë në Darkën e Korrespondentëve të Shtëpisë së Bardhë. Presidenti zgjodhi të mos merrte pjesë në këtë ngjarje gjatë mandatit të tij të parë dhe ka abstenuar që nga rizgjedhja e tij.
Washington Hilton, i vendosur në një distancë të shkurtër nga Shtëpia e Bardhë, është vendi ku u qëllua me armë Presidenti Ronald Reagan në vitin 1981.
Replay video of shots being heard and President Trump and the rest of the stage being evacuated from the WHCA Dinner. pic.twitter.com/t908J3v47b
— Faytuks Network (@FaytuksNetwork) April 26, 2026
j.l./ dita
Pordhë me rigon, d.m.th. kaloi disa breza sigurie dhe arriti tek Trapi të mbaj dekleratë për shtyp.
Ja mori doren.Me kete atentat fiton mbeshtetje.
Armiqte te marrin te keqen,shoku Enver!
kjo ishte lojaaa