Në kuadër të punimeve për ndërtimin e Unazës së Madhe dhe zhvillimit urban të zonave në të dy krahët e rrugës, nga Ujësjellës Kanalizime Tiranë po punohet për hartimin e projekteve që kanë të bëjnë me rrjetin e furnizimit me ujë si dhe rehabilitimin e rrjetit të kanalizimeve .
Sikurse mund të shihni dhe në video, po punohet me intensitet të lartë në zonën e Shkozës në rrugën ” Kostandin Shpataraku” në të cilën po kryhet rikonstruksioni i rrjetit të kanalizimeve .
Me përfundimin e këtij projekti, bëhet i mundur disiplinimi i ujërave në këtë rrugë.
Në këto shtatë vite, Bashkia e Tiranës ka realizuar një sërë investimesh të rëndësishme në shumë zona të kryeqytetit, duke rinovuar tërësisht rrjetin e amortizuar.
Në të njëjtën kohë një vëmendje e posaçme i është kushtuar edhe përgjigjes në kohë të shqetësimit të qytetarëve për çdo problem në rrjetin e ujësjellës kanalizimeve përmes specialistëve të UKT.
