Uragani Ian ka goditur për herë të dytë SHBA-në. Pasi goditi Floridën, duke lënë pas 21 viktima, uragani Ian ka mbërritur në Karolinën e Jugut. BBC shkruan se pritet një valë stuhie e fortë dhe përmbytjesh. Rreth 90 trupa të Gardës Kombëtare dhe 11 helikopterë janë vendosur për të mbështetur operacionet e kërkim-shpëtimit. Më shumë se 2,000 punonjës të shtetit janë gjithashtu në terren dhe kanë pastruar tashmë qindra pemë të rrëzuara.
Për shkak të uraganit ka pasur ndërprerje të energjisë tek më shumë se 180.000 banorë, si dhe 50,000 njerëz në Karolinën e Veriut fqinje. Banorët janë këshilluar të shmangin udhëtimet dhe atyre në zonat e ulëta u është thënë që të largohen dhe të gjejnë strehim në zona më të larta.
Presidenti Joe Biden tha se uragani Ian ka të ngjarë të jetë ndër më të këqijtë në historinë e SHBA.
Për shkak të goditjes nga uragani, në Florida janë konfirmuar zyrtarisht 21 viktima, ndërsa autoritetet dyshojnë se numri mund të jetë shumë më i lartë. Edhe dy shtete të tjera Kuba dhe Porto Riko u goditën më herët nga Uragani.
a.m/dita
