Pamjet e rënda që shihni tregojnë momentin kur një e re 25-vjeçare mbytet në një pishinë në periferi të kryeqytetit.
Vajza ka qenë në një pishinë bashkë me një djalë dhe në një moment teksa të dy laheshin ajo nis të zhytet.
Abcnews ka nxjerrë pamjet ku vajza futet në pishinë me një 33-vjeçar, i cili ka në dorë një celular dhe filmon.
Pasi qëndrojnë disa minuta aty, ndërkohë që nuk ka asnjë person nga stafi i kompleksit përreth që të kujdeset për vizitorët që frekuentojnë pishinën, vajza zhytet në ujë dhe nuk del më.
Po ashtu, nga pamjet duket edhe se si djali tenton dy herë të kuptojë se çfarë po ndodh me vajzën, e cila është në ujë ndërkohë. I riu nuk ka ndërhyrë vetë, dhe më pas thërret stafin e kompleksit, por askush nuk gjendet aty përreth.
Ardhja e tyre vonon disa minuta dhe siç duket nga pamjet nxjerrin vajzën pa ndjenja nga pishina. Pas nxjerrjes nga pishin ata i bëjnë disa pompa në gjoks dhe frymëmarrje artificiale.
E reja gjendet në gjendje të rëndë në spital tashmë, ndërkohë që prokuroria ka procedura penalisht pronarin e kompleksit “Markata e Peshkut”. Hidri akuzohet për “shkelje të rregullave të mbrojtjes në punë”. Ai nuk ka caktuar përgjegjës për pishinën.
Në një njoftim mbi ngjarjen Policia e Shtetit bëri të ditur se administratori është shpallur në kërkim.
Vetë djali i shfaqur në video, në një komunikim me mediat tha se “arsyeja e vetme që nuk kam arritur te nxjerr dot shoqen nga pishina ka qënë fakti që asnjeri prej nesh nuk di te notojë”.
j.l./ dita
