Agim Sinoimeri është ndarë nga jeta në tetor 2021. Ishte një ikje e parakohshme dhe një humbje për turizmin shqiptar. Sinoimeri ka qenë një ndër njohësit më të mirë të kësaj fushe dhe kishte një eksperiencë të pasur në Shqipëri dhe në SHBA.
Sinoimeri është autor i guidës së parë turistike të Tiranës, bashkëautor i hartës turistike të Shqipërisë, i skenarit të filmit dokumentar “Mirë se Vini në Shqipëri”, hartues i shumë platformave ekspozitash turistike të organizuara brenda dhe jashtë vendit, si dhe i mjaft materialeve të ilustruara mbi turizmin shqiptar.
Duke nisur nga fillimi i viteve 2000 Sinoimeri angazhohet në mënyrë shumë këmbëngulëse për një projekt të madh në ishullin e Sazanit. Në këtë periudhë ai ishte emëruar kryetar i Komitetit të Zhvillimit të Turizmit.
Me një grup ekspertësh të fushës hartuan dhe promovuan një mega-plan të detajuar për shndërrimin e ishullit të Sazanit dhe të gjirit të Vlorës në një destinacion të ri turistik mesdhetar. Projekti parashikonte ngritjen e një infrastrukture moderne komplekse turistike, por për fat të keq u la në heshtje nga qeveria e kohës dhe nga qeveritë që erdhën më pas.
Shihni editorialin e përgatitur nga DITA.