Një kontejner që mbante ar dhe sende të tjera “të çmuara”, me vlerë të paktën 20 milionë dollarë kanadezë (më shumë se 14.8 milionë dollarë amerikanë), u vodh të hënën nga aeroporti Pearson i Torontos, tha policia. Ngarkesa mbërriti në një avion herët në mbrëmje, u tha gazetarëve të enjten inspektori i policisë rajonale të Peel, Stephen Duivesteyn. Kontejneri u shkarkua më pas dhe u transportua në një objekt mbajtës, në përputhje me procedurat standarde të aeroportit për ngarkesat ajrore. Dikur pas kësaj, kontejneri afërsisht pesë metra katrorë “u hoq me mjete të paligjshme” dhe u raportua i zhdukur në polici menjëherë më pas. “Kontenieri përmbante një ngarkesë me vlerë të lartë,” tha inspektori Duivesteyn. “Ai përmbante ar, por nuk ishte ekskluzive për arin dhe përmbante sende të tjera me vlerë monetare”. Policia nuk ishte në gjendje të konfirmonte destinacionin përfundimtar të ngarkesës, as nëse vjedhja kishte lidhje me krimin e organizuar apo hajdutë profesionistë. Ata gjithashtu nuk ishin të sigurt nëse ari është ende në vend.
Inspektori Duivesteyn theksoi se ndërsa kjo lloj grabitjeje është “shumë e rrallë”, është një incident i izoluar që nuk përbën kërcënim të vazhdueshëm për sigurinë publike. Operacionet në Pearson do të vazhdojnë të zhvillohen normalisht, tha ai.
“GTAA dëshiron të sqarojë se hajdutët hynë në anën publike të një magazine që i është dhënë me qira një pale të tretë, jashtë linjës sonë kryesore të sigurisë. Kjo nuk përfshinte aksesin në vetë Toronto Pearson dhe nuk përbënte kërcënim për pasagjerët ose stafin e GTAA”, tha në një deklaratë për CBS News, Autoriteti i Aeroporteve të Madhe të Torontos, i cili operon Pearson.
Në vitin 1953, 10 kuti me shufra ari gjatë rrugës për në Montreal u zhdukën nga Pearson (atëherë Aeroporti Malton) në një grabitje që nuk u zgjidh kurrë, sipas Toronto Star. Tetëdhjetë vjet më vonë, Duivesteyn dukej i vendosur të mos lejonte që historia të përsëritej. “Qëllimi ynë tani është të zgjidhim këtë vjedhje”, siguroi ai gazetarët. “Ekipi ynë është mbledhur. Ata janë duke punuar me zell për këtë rast”, tha inspektori.
