Vila 69 në Palasë është në pronësi të ish-ministrit Blendi Klosi e fshehur në emër të komentatorit sportiv Dritan Shakohoxha?

Një pasuri tjetër e Blendi Klosit, është superbanesa nr. 81, me sipërfaqe 368 m2 dhe vlerë 780 mijë Euro në kohën blerjes; në katin e 12 tek pallati i kuq “Park Gate” pranë Parkut të Liqenit e përballë Fakultetit Ekonomik…

Është në të drejtën e SPAK-ut të hetojë pronësinë dhe vlerat financiare të apartamenteve e vilave në Tiranë dhe bregdet, që dyshohet se janë të ish-qeveritarëve Arben Ahmetaj e Belinda Balluku, si dhe personat me emrat e të cilëve dyshohet se i kanë regjistruar.

Nëse këta kanë fshehur vila, apartamente e pasuri të tjera, le të përgjigjen para drejtësisë me kundër-provat e tyre, por përse shefat e SPAK-ut nuk po zbatojnë parimin e barazisë para ligjit edhe për ministra e ish-ministra të tjerë?

P.sh., në media dhe në denoncime të dërguara në SPAK flitet për Vilën nr. 69 në kompleksin turistik “Green Coast” në Palasë, që në dosjen kadastrale figuron me emrin e komentatorit sportiv Dritan Shakohoxha.

Nuk e paragjykojmë Shakohoxhën, pasi ai mund të ketë patur e ka burime financiare për ta blerë, mobiluar dhe mirëmbajtur vilën luksoze në kompleksin e vilave të pasanikëve buzë detit në Palasë.

Por fakti që në çdo denoncim flitet se Vila nr. 69 në kompleksin turistik “Green Coast” në Palasë është në pronësi faktike të ish-ministrit Blendi Klosi dhe e fshehur në emër të komentatorit sportiv Dritan Shakohoxha, duhet të shërbejë si indicie që SPAK të fillojë hetimin e burimeve financiare dhe pronësisë faktike të vilës.

Pra, të hetojë nëse vilën luksoze e ka blerë me kursimet nga paga, nga aktivitete të tjera biznesi, nga dhurime, trashëgimi apo fitime nga bixhozi.

· Bazuar në denoncimet që ka, SPAK duhet të hetojë se cili shtetas e ka porositur te kompania investuese Vilën nr. 69 në kompleksin turistik “Green Coast” në Palasë dhe cili e ka në përdorim?

· Të hetojë kamerat e zonës së kompleksit dhe zonën ku ndodhet vila?

· Të hetojë me cilin ka bërë marrëveshje studioja që ka projektuar dhe realizuar arredimin e vilës?

· Cili ka bërë pagesat, në çfarë intervali këstesh apo njëherësh, nëpërmjet bankës apo në dorë?

· Cila kompani ia ka mobiluar dhe mirëmban; dhe a janë të vërteta denoncimet e dyshimet se vila e regjistruar me emrin e Dritan Shakohoxhës është pronë faktike e ish-ministrit Blendi Klosi?

Për më tepër, ish-ministri Blendi Klosi, përveç rastit të kësaj vile, duhet hetuar në bazë të raporteve të agjencive të Antikorrupsionit e Antikrimit Financiar, se ka fshehur edhe vila e apartamente të tjera në emrin e Shakohoxhës e të besuarve të tjerë.

Një pasuri tjetër që duhet hetuar është Suita nr. 81, me sipërfaqe 368 m² dhe vlerë 780 mijë euro në kohën e blerjes; ndodhur në katin e 12-të të pallatit të kuq “Park Gate”, pranë Parkut të Liqenit e përballë Fakultetit Ekonomik.

Po Vila nr. 69 në emrin e Dritan Shakohoxhës në Palasë; a do

Nëse SPAK do të vëzhgojë kamerat, do të pyesë ndërtuesin, administratorin dhe banorët e pallatit, do të mësojnë se në suitën me sipërfaqe 382 m² banon ish-ministri Blendi Klosi dhe është pronë e tij.

Vilën në Palasë, këtë suitë banimi dhe asnjë shtëpi e pasuri tjetër, Blendi Klosi nuk i ka deklaruar në ILDKPKI; nuk ka deklaruar as pagesë qiraje dhe asnjë raport tjetër me këto pasuri, madje as shtesat anësore të bëra në Vilën nr. 69 te kompleksi në Palasë.

I kujtojmë shefat e SPAK-ut se kulla, komplekse me pallate e vila në Tiranë, Lalëz, Durrës, Vlorë, Orikum, Himarë, Sarandë e Ksamil kanë apartamente e vila shumë pushtetarë e politikanë, të fshehura me emra të tjerë, madje disa kanë hotele e resorte të tyre.

Pamfleti