Një 39-vjeçar është vënë në pranga nga blutë e Vlorës, pasi gjatë një kontrolli fizik i kanë gjetur një sasi lënde të dyshuar narkotike kokainë, që dyshohet se e shpërndante në lokale nate dhe në zonën e plazhit në prag të sezonit turistik. I riu është arrestuar menjëherë nga policia, teksa mbahej nën vëzhgim prej ditësh.
Gjithashtu një tjetër person është arrestuar në Vlorë, pasi ditën e djeshme, duke drejtuar automjetin, në gjendje të dehur, në lagjen “28 Nëntori”, është përfshirë në një aksident, me pasojë vetëm dëme materiale. I moshuari me iniciale Sh. K., 63 vjeç është vënë në pranga nga policia. Ndërsa një 33-vjeçar është vënë nën hetim, pasi ka bërë një njoftim të rremë, në sallën operative të komisariatit Vlorë.
