Komisioneri Shtetëror i Zgjedhjeve, Ilirjan Celibashi thotë se KQZ është gati për votën e diasporës, duke theksuar se e kanë ndërtuar të gjithë strukturën administrative brenda këtij institucioni.
Në nënkomisionin për Diasporën, Celibashi u shpreh se KQZ e ka konsoliduar drejtorinë për votimin nga jashtë dhe e ka të organizuar në mënyrë të tillë për t’iu përgjigjur të gjitha atyre elementëve teknikë të votimit nga jashtë, duke nisur nga regjistrimi, administrimi i votave dhe i nxjerrjes së rezultatit.
Sipas Celibashit tashmë KQZ është duke pritur palët politike nëse do të arrihet dakordësia për të finalizuar plotësimin e boshllëqeve ligjore.
Celibashi: Që pas vendimit të GJK dy kanë qenë aktet e veprimit të KQZ, e para ka të bëjë me ndërtimin e një struktura administrative brenda KQZ, e cila do të adresonte në momentin kur kuadri ligjor rregullator do të ishte gati, gjithë aspektin e votimit të diasporës. E dyta të nxiste për aq sa e kishte të lejuar dhe të sillte në vëmendje të faktorit politik, organizatave të shoqërisë civile nevojën që procesi i votimit nga jashtë të merrte atë adresim që do të duhet të merrte nga institucionet përkatëse.
KQZ e ka ndërtuar strukturën administrative brenda tij që ka përgjegjësi të dedikuar për të gjitha aspektet e procesit të votimi nga jashtë. E kemi të konsoliduar drejtorinë për votimin nga jashtë dhe e kemi të organizuar në mënyrë të tillë për t’iu përgjigjur të gjitha atyre elementëve teknikë të votimit nga jashtë, duke nisur nga regjistrimi, administrimi i votave dhe i nxjerrjes së rezultatit.
Do të duhet të presim zhvillimet e fundit nëse procesi i negociatave do të finalizohet me plotësimin e boshllëqeve ligjore, kështu do ti hapet rruga veprimit të KQZ për ta përgatitur këtë proces.
j.l./ dita
Vota e diaspores pa zone elektorale te diaspores nuk ka kuptim, eshte abuzimi i radhes kundrejt kauzes dhe kategorise nese tirana vendos ne menyre te njeanshme, duhet te ngrihen grupe pune nga e gjithe diaspora e duhen bere degjesa publike ne te gjithe diasporen per kete ceshtje e jo te perfshihen dy tre seksere te Ps-se dhe Pd-se qe jane te shitur koke e kembe e po duan te shesin edhe te arthmen e diaspores.
TË BËHET E MUNDUR NGA PALËT POLITIKE VOTA E EMIGRANTËVE.
QË T Ë VOTOJNË L.BASHËN! 7×7=42!