Në Izrael po zhvillohen zgjedhje parlamentare të konsideruara si një nga testet më kritike dhe si një referendum i drejtpërdrejtë mbi udhëheqjen e Kryeministrit Benjamin Netanyahu, pas sulmeve të 7 tetorit 2023.
Pjesëmarrja në votime ka shënuar nivelet më të larta në më shumë se 50 vjet, ndërsa vetë Netanyahu ka hedhur votën e tij ndër të parët në këtë garë ku përballet ngushtë me ish-shefin e ushtrisë, Gadi Eisenkot.
Sipas të dhënave nga terreni dhe sondazhet e opinionit publik, siguria dhe kërkesa për llogaridhënie janë shndërruar në forca të fuqishme elektorale për votuesit.
Sondazhet tregojnë se ekonomia dhe sfidat e përditshme financiare mbeten gjithashtu shqetësime parësore për një pjesë të madhe të elektoratit.
Votimet do të mbyllen në orën 22:00 me orën lokale, ndërsa sondazhet sugjerojnë një garë tejet të ngushtë dhe të vështirë për t’u parashikuar që në hapat e parë.
Kuvendi i Izraelit, i njohur si Knesset, përbëhet nga 120 vende. Sipas sistemit politik izraelit, asnjë parti e vetme nuk ka arritur ndonjëherë të fitojë një shumicë të qartë prej 61 vendesh.
Për këtë arsye, qeveritë formohen gjithmonë përmes aleancave dhe koalicioneve politike, një proces delikat që kërkon negociata.pas përfundimit të zgjedhjeve.
o.p. / dita
