Komisioni Qendror i Zgjedhjeve (KQZ) nis hartimin e akteve për votën e shqiptarëve që jetojnë jashtë vendit. Drafti parashikon rregullat teknike për mundësimin e votës që nga periudha e regjistrimit e deri tek identifikimi i votuesve.
KQZ lë të hapur mundësinë për identifikimin biometrik edhe të votuesve në diasporë: “Komisioneri, nëpërmjet administratës së KQZ, vërteton vullnetin e votuesit nga jashtë për t’u regjistruar, nëpërmjet identifikimit biometrik të tij, ose nëpërmjet një mënyre tjetër me mjete elektronike, e cila sigurohet plotësisht mbi vërtetësinë e identitetit të votuesit që ka bërë kërkesën për regjistrimin”.
A2 CNN ka mësuar se pjesë e identifikimit përmes teknologjisë alternative është edhe ajo “Face ID”, e përdorur gjerësisht në telefonat celularë.
Krahas kësaj, në draft parashikohet se deklarimi i adresës së banimit jashtë vendit vijon të mbetet kusht për të përfituar këtë të drejtë: “KQZ ka të drejtën e verifikimit të përputhshmërisë së të dhënave të formularit përkatës elektronik të plotësuar nga votuesi nga jashtë me të dhënat e tij në Regjistrin Kombëtar të Gjendjes Civile. Nëse votuesi nga jashtë nuk ka deklaruar vendbanimin e tij ose të dhënat e formularit përkatës elektronik nuk përputhen me ato të RKGjC, atëherë kërkesa për regjistrim refuzohet. Votuesi të cilit i është refuzuar kërkesa për regjistrim, ka të drejtën të riaplikojë duke respektuar afatet e përcaktuara në këtë vendim”.
Periudha e regjistrimit të emigrantëve për të votuar jashtë vendit është 15 ditë nga dekretimi i datës së zgjedhjeve, deri dy muaj përpara ditës së votimit. Ky është hapi i parë që ndërmerr insitucioni për mundësimin e votës së diasporës.
Pas kësaj, duhet të përcaktojë edhe mënyrën se si do të votohet.
o.j/dita
Nuk është aq e rëndësishëme në se të larguarit votojnë ose nuk votojnë, se sa ruajtja e identitetit të votuesve. Keni vendosur numrat e kartave të identitetit perbri emrave në listat e votimeve, duke i afishuar në çdo qëndër votimi. Ky veprim përbën një krim, sepse keqdashësit mund t’i përdorin për qëllime të tjera, në dëm të votuesve. Numrat janë personalë dhe duhet t’i dinë vetëm organet e veçanta si bankat, gjendja civile, zyrat e shtetit, etj., por jo çdo individ që mund t’i marë nga këto lista. Kështu veprohet në vendet perëndimore.
Hahaaa
Pse jo me te dhenat e llogarise bankare apo adn ose me ndonje veshke si garanci
Vazhdojne perpjekjet per bllokim
Me ket premtim erdhi ne pushtet para 9 vjetesh ky taksirati qe na ja zene.