Ditën e sotme vendi ynë do të vijojë të ndikohet nga kushte atmosferike relativisht të paqëndrueshme për shkak të masave ajrore relativisht të lagështa me origjinë jugperëndimore.
Moti parashikohet me kthjellime si dhe alternime vranësirash kalimtare mesatare dhe hera-herës deri të dendura. Prej orëve të mesditës dhe deri ato të pasdites vonë vranësirat e dendura do të shoqërohen me reshje shiu me intensitet të ulët ndërsa lokalisht ato do të jenë në formën e shtrëngatave afatshkurtra.
Prej orëve të vona të mbrëmjes reshjet mbeten të izoluara dhe të dobëta në formë pikash kryesisht në relievet malore në lindje. Era do të fryjë me drejtim verilindje – veriperëndim me shpejtësi mesatare deri në 5 m/s, ndërsa në zonat luginore dhe përgjatë vijës bregdetare hera-herës era fiton shpejtësi deri në 6-10 m/s, me valëzimin në dete të forcës 1-2 ballë.
Temperaturat minimale dhe maksimale të ajrit pritet të arrijnë:
në bregdet: 10 / 17 °C,
në vendet e ulëta: 9 / 18 °C,
në vendet malore: 3 / 11 °C.
j.l./ dita
