Shqiptari 23-vjeçar i arrestuar për vrasjen e 40-vjeçarit Pëllumb Islami, në 21 shkurt në “Nea Ionia” të Athinës rezulton të ketë 2 identitete.
Shqiptari i cili përdor dy emra “Dhimitri” dhe “Nektarios” rezulton me precedentë penalë për “vrasje nga pakujdesia”, “gjobvënie”, “shkatërrim prone”, “kanosje me armë zjarri”, “pranim dhe mbajtje të produkteve të veprës penale”, “vjedhje në bashkëpunim”, “vjedhje e mbetur në tentativë”.
Urdhri i arrestit ndaj tij për vrasjen e Islamit ishte lëshuar më 3 mars ndërkohë që në kërkim janë edhe 6 persona të tjerë përfshirë edhe 34 vjeçarin nga Fieri, Elis Salaj. 2 prej 6 të kërkuarve rezultojnë të jenë arratisur në Shqipëri. Një tjetër person i përfshirë në ngjarje rezulton ende i paidentifikuar.
Vrasja e Pëllumb Islamit ndodhi në një lokal në “Nea Ionia”, pas një shkëmbimi zjarri mes pjesëtarëve të një grupi kriminal shqiptar në Greqi me një person që ndodhej në shoqërinë e Islamit.
Tashmë janë 6 shqiptarë të shpallur në kërkim, ndërkohë që janë identifikuar vetëm dy prej tyre, Erlis Salaj, kapoja i grupit dhe Julian Qose, një prej anëtarëve.
Ata u futën në një lokal ku ndodhej dhe Pëllumb Islami, për tu sqaruar me një tjetër grup shqiptarësh. Gjatë konfliktit u përdorën dhe armë zjarri dhe një prej plumbave kapi gabimisht Islamin, i cili ndërroi jetë.
Viktima ishte hidraulik dhe nuk kishte aspak lidhje me jetën e grupit problematik.
j.l./ dita
