Ish-oficeri i policisë së forcave RENEA, Remal Rada nuk ka lidhje me ekzekutimin mafioz të Kastriot Recit, ngjarje e ndodhur në janar 2020 me snajper. Laboratori i Policisë së Shtetit, pasi ka krahasuar ADN e përftuar nga pështyma e ish-specialit, konfirmoi se Rada nuk ka asnjë përputhje me te dhënat e përftuara në skenën e krimit dhe ne banesën prej nga ku u qëllua nga distanca 150 metra, Kastriot Reçi.
TCH shkruan se këto të dhëna do të administrohen nga prokuroria e Lezhës, e cila nuk ka ende një autor për vrasjen e kryer ne Rrëshen.
Remal Rada u u në pranga së bashku me një tjetër person, Elton Hithi teksa po qarkullonin me një mjet me targa angleze. Në makinë u gjet një armë e llojit snajper dhe deri më tani dyshohet se Rada e Hithi po përgatisnin një vrasje me pagesë, por ende nuk dihet se kush ishte personi i vënë në shenjestër nga këta persona dhe kush ishte financuesi.
Nga ana tjetër, ata të dy këmbëngulin se ishin viktima të një skenari dhe se nuk kanë lidhje me armën. Rada tha se nuk kishte dijeni të objekteve që mbante në makinë. Ai tregoi se në qershor kishte udhëtuar në Britaninë e Madhe, tek vëllai i tij ku kishte takuar një qytetar me emrin Ilir. Rada tregoi se pasi mbërriti në Shqipëri mori një telefonatë për të marrë një pako me veshje e për ta dërguar në një vend.
Sipas tij, pasi mori një çantë dhe pasi hipi në makinë dyshoi që në pako kishte diçka të dyshimtë, por menjëherë u ndal nga RENEA. 39-vjeçari Remal Rada, ka shërbyer për më shumë se 13 vite në repartin special të forcave RENEA nga ku u shkëput vetëm disa muaj më parë.
j.l./ dita
