Policia e Kavajës ka zbarkuar në banesën e Habib Rexhës pasditen e sotme, autorit të dyshuar të vrasjes së Arjan Gosës për gjakmarrje, mbrëmjen e së dielës, në një lokal në qendër të qytetit.
Policia po negocion edhe me familjarët e tij, me qëllim që ai të vetëdorëzohet. Nga kontrolli i riu nuk u konstatua dhe besohet se e ka kaluar kufirin ilegalisht, ose me letra false, duke e planifikuar gjithçka në detaje.
Mësohet se Rexha ka hyrë në territorin shqiptar në datën 5 Maj, përmes Aeroportit të Rinasit, nga shteti britanik ku ai jetonte si emigrant i rregullt. I dyshuari kishte ardhur në Shqipëri për të marrë hakun e vëllait të tij Altin (Sali) Rexha, që mbeti viktimë e një përplasje me vëllanë e Arjan Gosës, Armandon, edhe ky i vrarë në atë përleshje, më 29 Mars të këtij viti.
Pas një sherri banal rreth dy muaj më parë, Gosa dhe Rexha qëlluan njëri-tjetrin me thikë dhe armë zjarri, duke mbetur të dy të vdekur.
