Mediat britanike pasqyronin sot ekzekutimin barbar të biznesmenit shqiptar Ardian Nikulaj prej faktit që pesë shtetas britanikë janë të kërkuar si autorë të mundshëm.
E përditshmja vendase The Sun përshkruante sesi 51 vejçari Nikulaj, u qëllua shumë herë nga vrasësi me jelek fosforeshent, që besohet se ishte pjesë e një grupi prej pesë personash, ku bënin pjesë gjithashtu kater britanikë, tre burra e një grua.
Një qytetar shqiptaro-britanik gjithashtu është në kërkim nga autoritetet si pjesë e gjuetisë së autorëve të vrasjes jashtëgjyqësore.
Grupi i britanikëve besohet se janë larguar me avion në një vendndodhje të panjohur pas vrasjes.
‘The Sun’ referon informacionet e policisë shqiptare duke thënë se vrasja është motivuar nga një ‘konflikt personal gjakmarrjeje’.
Vrasja e biznesmenit ka marrë vëmendjen edhe te mediave portugeze. Në një artikull të publikuar së fundmi media portugeze shkruan: “Policia shqiptare ka shpallur në kërkim një portugez për vrasjen e një biznesmeni.
Krimi ndodhi një javë më parë, ndërsa autoritetet kanë lëshuar urdhër arresti ndaj Ruben Saraivës, katër britanikëve dhe një shqiptari që kanë udhëtuar nga Britania e Madhe për të kryer ekzekutimin”, thuhet në artikull.
Gjithashtu theksohet se krimi mund të lidhet me mafien shqiptare. “Kreu i Policisë Muhamet Rrumbullaku deklaroi se portugezi është autori i vrasjes së Nikuljat. Sipas autoriteteve shqiptare ekzekutimi është filmuar dhe duket Ruben Saraiva”, thuhet më tej në artikull.
o.j/dita
