SPAK ka nisur gjykimin në mungesë për Jemin Sherën, i akuzuar për akuzën e vrasjes në bashkëpunim, ndaj Behar Sofisë. Ata e kanë ndjekur Behar Sofinë për gjashtë muaj, deri në momentin e ekzekutimit, tha Prokurorja e SPAK, Doloeza Musabelliu. Jemin Shera ishte organizatori për të vrarë Behar Sofinë dhe personi që ka marrë porosinë.
SPAK kërkoi 16 dëshmitarë dhe pyetjen e të bashkëpandehurve Bujar Zeza, Xhuliano Visha, Skënder Vathi, Leonard Xhixha dhe Ernejt Shyti.
“Do vrisnim një 34 vjeçar në Kamëz për 50 mijë euro”, dëshmia e vrasësit të Behar Sofisë: Bujar Leza e donte të vdekur! SPAK solli tre akt ekspertime të reja, si dhe 168 prova shkresore. Në datë 26 janar ora 12:00, do vijnë pesë dëshmitarët e parë.
Behar Sofia u vra në 25 shkurt 2021, në afërsi të Piramidës në Tiranë. Shera nuk është gjetur pavarësisht kërkimeve që janë bërë nga policia. Në banesën e Jemin Sherës në Zallherr, nuk ka pasur asnjë person, tha gjykata.
Vëllai i të pandehurit ka theksuar para hetuesive, se nuk kishte dijeni për vendndodhjen e tij. Prokuroria kërkoi që të niste procesi në mungesë, gjë e cila u pranua nga gjykata. Emri i Jemin Sherës është regjistruar për herë të parë nga SPAK në datën 29 mars 2022, si një nga të dyshuarit e vrasjes së Behar Sofias.
SPAK relatoi në gjykatë se Shera e ka marrë porosinë nga persona ende te paidentifikuar, dhe më pas ka krijuar grupin kriminal. Ata e kanë vëzhguar Behar Sofian për 6 muaj deri në momentin e ekzekutimit.
p.c. / dita
