Një vrasje është shënuar në fshatin Shelqet, në Vaun e Dejës.
Alfons Palushani ka vrarë me armë zjarri 51-vjeçarin Agron Metushi, pas një sherri banal i cili nisi në lokalin e fshatit. Forcat blu bëjnë të ditur se ngjarja e rëndë ka ndodhur ditën e sotme rreth orës 03:00, në një lokal.
Autori, 37-vjeçari dhe viktima Metushi, u përfshinë në një konflikt për motive të dobëta. Viktima Metushi dhe autori i dyshuar Palushani ndodheshin në një lokal, por në tavolina të ndryshme. Gjatë qëndrimit në lokal viktima dhe autori kanë fyer njeri-tjetrin në distancë.
Palushani, pasi la lokalin shkoi në banesë aty ku mori arëmn e zjarrit kallashnikov e në momentin që Metushi ka hypur në mjetin e tij për t’u larguar, autori e ka qëlluar me armë zjarri. 51-vjeçari ka ndërruar jetë ndërsa autori është larguar nga vendi i ngjarjes.
Dyshohet se personat e përfshire në këtë ngjarje të rëndë kane qenë të alkoolizuar.
Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje.
Policia ka arrestuar Palushanin pak orë pas ngjarjes, ndërkohë që ka bërë rrethimin e zonës.
Njoftimi i Policisë:
Më datë 23.08.2022, rreth orës 03:00, në fshatin Shelqet, Vau i Dejës, pas një konflikti për motive të dobëta, dyshohet se shtetasi A.P., 37 vjeç, banues në fshatin Stajkë, Vau i Dejës, ka vrarë me armë zjarri shtetasin A. M., 51 vjeç, banues në Shkodër. Nga veprimet e shpejta dhe hetimet paraprake të kryera nga Policia, dyshohet se konflikti për motive të dobëta ka nisur në lokalin e fshatit dhe menjëherë shtetasi A.P., ka shkuar në banesë ka marrë armën e zjarrit kallashnikov dhe në momentin që shtetasi A.M. ka hipur në automjetin e tij për t’u larguar shtetasi A.P. e ka qëlluar me armë zjarri. Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje.
j.l./ dita
