Gjykata italiane dënoi me 12 vite burgim për vrasje me dashje, 49-vjeçarin shqiptar Ilir Leba, i cili vrau agjentin e pasurive të paluajtshme Tommaso Dini, më 27 mars të vitit të kaluar. Muratori u gjykua nga gjyqtarja Sara Farini, në Gjykatën e Firences. 49-vjeçari shqiptar do të duhet të paguajë edhe një shumë parash prej rreth 260 mijë euro për familjarët e sipërmarrësit, kolateral për familjen e viktimës.
Shkak u bënë konfliktet e shpeshta në punë për shitjen e një apartamenti, që përshkallëzoi deri në pikën e fundit ku muratori vrau agjentin e shitjeve. Teksa u takuan për të sqaruar njëri-tjetrin, shqiptari kishte marrë një thikë me vete me të cilën e goditi italianin disa herë në gjoks. Avokati këmbënguli në gjyq se takimi ishte i rastësishëm dhe se klienti i tij kishte vepruar në kushtet e gjaknxehtësisë.
Shqiptari Ilir Leba, i cili drejton një kompani ndërtim në Itali është parë duke u zënë me Tommaso Dini, 50 vjeç, një agjent imobiliar. Kamerat e sigurisë fillimisht kanë filmuar një sherr mes të dyve me fjalë dhe të bërtitura në rrugë dhe më pas shqiptari ka përdorur thikën, duke e goditur disa herë dhe më pas është larguar me vrap. Kanë qenë dëshmitarët në rrugë që kanë thirrur ndihmën e parë dhe njoftuar policinë.
