Gjykata e Apelit të Torinos ndryshoi klasifikimin e veprës penale ndaj një vajze të pandehur shqiptare, duke ia rënduar pozitën penale dhe nga pafajësia e shkallës së parë dhanë 6 vite burgim për Aurela Perhatin, për vrasje. E dyshuara ishte akuzuar se kishte përplasur dhe vrarë një burrë me makinën e saj, për t’i shpëtuar sulmit seksual, në natën e Vitit të Ri 2019. Gjykata italiane ka dënuar me 6 vjet burg 27-vjeçaren me origjinë shqiptare, e cila e mohoi fajësinë, duke deklaruar se iu desh të vetëmbrohej.
Atë mbrëmje Aurela, 25-vjeçare, së bashku me Massimo Garitta, kishin mbërritur në një rrugë të errët dhe periferike, që të çonte në një fushë midis ish-rrugës shtetërore Turchino dhe argjinaturës hekurudhore në Ovada. Dhe pikërisht këtu, sipas historisë që e reja u ka treguar hetuesve, burri kishte tentuar ta përdhunonte. Vajza, në panik dhe tmerr, në tentativë për të shpëtuar, versionit të saj, tregoi se e përplasi Garittën me makinën e saj të vogël. E reja me origjinë shqiptare, ka shpjeguar se 53-vjecari e kishte sulmuar, duke i shkaktuar lëndime në këmbë. Avokatët kanë mbështetur gjithmonë vetëmbrojtjen si pasojë e agresionit dhe më pas arratisjen në bazë të dëshmive të dhunës së pësuar, të vërtetuara në raportin mjekësor të burgut të Vercellit, si dhe fakti që Garitta u gjet i zhveshur dhe me mbathje të ulura.
Por gjyqtarët e Gjykatës së Apelit shqyrtuan shkresat, dëgjuan disa ekspertë të cilët analizuan gjurmët e lëna nga makina dhe përmbysën rezultatin e gjykimit të shkallës së parë. Teza e mbrojtësve u pranua nga Grupi i Aleksandrisë, i cili në korrik 2020 e shpalli të pafajshëm për vetëmbrojtje, duke rregulluar lirimin e saj nga arresti shtëpiak. Ky nuk ishte rasti për gjyqtarët e Gjykatës së Apelit të Torinos, të cilëve u kishte bërë ankim prokurori i Aleksandria. Në shkallë të dytë ajo u dënua me gjashtë vjet për vrasje me dashje.
“Ka qenë një dënim jashtëzakonisht i butë, duke pasur parasysh peshën e krimit, por është i padrejtë dhe ne nuk jemi dakord me të, ishte komenti i dy avokatëve, që shtuan se do të ankimojnë në Kasacion.
