Dy shqiptarë janë vrarë mbrëmjen e djeshme në Greqi. Gazeta greke Protothema shkruan se vrasja ndodhi në një lokal në Nea Smyrni.
Dy shqiptarët ishin të moshave 41 dhe 44 vjeç. E plagosur ka mbetur dhe një 31-vjeçare.
41-vjeçari Kreshnik Çerçizaj ndërroi jetë në vendngjarje pasi u qëllua me dy herë armë zjarri në kokë, ndërsa 44-vjeçari Armando Organja, ndërroi jetë në spitalin e Kryqit të Kuq në Athinë.
Siç u bë e ditur, i armatosuri kishte veshur një kapuç dhe një maskë kirurgjikale për të mbuluar tiparet e tij. Në një moment ai doli nga vendi, ku qëndronte fshehur dhe hapi zjarr me gjakftohtësi.
Menjëherë pas kësaj ai ka nxituar të zhduket në këmbë në drejtim të panjohur.
Të dy të vdekurit janë me origjinë shqiptare dhe ndodheshin në tavolinat jashtë lokalit.
Një nga plumbat e gjuajtur nga i armatosuri ka goditur në shpinë një grua, e cila ishte pronarja e lokalit. E plagosura ndodhet jashtë rrezikut për jetën në spital.
Në vendngjarje, Policia ka gjetur gëzhoja 9 mm.
Mediat greke raportojnë se e gjithë ngjarja është për larje hesapesh. Një ditë pas krimit të dyfishtë, mediat greke shkruajnë se të dy viktimat janë me precedent penalë.
Një prej tyre, sipas mediave greke njihej si ‘kumbari’ i zonës. Ai mblidhte ‘gjoba’ nga bizneset e zona, në këmbim të ‘mbrojtjes’ nga grupet e tjera.
Ndërsa shqiptari tjetër mësohet të ketë qenë truprojë në një nga klubet e natës.
Νέα Σμύρνη πριν. Μέσα σε κόσμο. Πάμε πολύ πολύ καλά #νεασμυρνη pic.twitter.com/NOWRMfC1wD
— island (@islandlayer13) December 18, 2022
j.l./ dita
