Liridon B., një boksier shqiptar, 23 vjeç është gjetur i pajetë më shinat e një hekurudhe treni në Gjermani. Kanqë qenë punonjësit ata që kanë pikasur trupin e 23-vjeçarit të shtrirë në tokë.
Ngjarja e rëndë raportohet të ketë ndodhur mbrëmjen e 31 dhjetorit.
BILD shkruan se Liridon B. është konfrontuar rreth orës 6 të mëngjesit me shokun e tij Andreas M. (23). Liridoni e goditi atë me thikë. Më pas Liridon B. iku, ndërsa Andreas M. shkoi në klinikë
Dy orë e gjysmë pas kësaj përleshje, Liridon B. u gjet pa shenja jete në hekurudhë dhe me plagë të shkaktuara nga një thikë. Policia nuk e përjashton faktin që Adreas të jetë kthyer e ta ketë qëlluar apo që Liridoni të ketë qëlluar veten.
I riu shqiptar ishte dënuar më parë për posedim dhe shpërndarje droge. Sherri me shokun e tij Andreas dyshohet të ketë ndodhur për të njëjtën arsye.
Liridoni ka qenë kampion në boks, më konkretisht i juniorit Frankonian 2015 dhe i Bavarisë së Veriut në peshën e lehtë (deri në 60 kilogramë).
Ai u konsiderua një shpresë e madhe për sportin gjerman, por ish-trajneri i tij Ralf Markert tregon se Liridoni ra në shoqëri të keqe dhe u përfshirë në tregun e trafikut të lëndëve narkotike.
“Shoqëri të keqe, drogë, burg. Pas burgut erdhi te unë në stërvitje, donte të kthehej në boks. Më premtoi se më nuk do të bënte marrëzira. Por nuk e mbajti premtimin”, deklaroi trajneri i tij Ralf Markert.
j.l./ dita
