Vritet me armë gjahu 52-vjeçari në Burrel.
Policia bën me dije se shtetasi I. M., rreth 63 vjeç ka vrarë me armë gjahu shtetasin P. K, rreth 52 vjeç.
Dyshohet se ngjarje ka ndodhur për motive hakmarrjeje, ndërsa autori pasi ka kryer krimin autori ka telefonuar policinë dhe është vetëdorëzuar.
Mësohet se autori i vrasjes ka pasur konflikte të hershme me viktimë dhe të cilat kanë nisur që në vitin 2009. Asokohe, 52-vjeçari ka dalë një furgoni para dhe ka plagosur gocën dhe kunatën e Islam Me tës, me automatik (tezen e vajzës), dyshohet për motive të dobëta.
Autori në fjalë u dënua me 21 vite burg për krimin, ndërsa bëri vetëm 12 vite. Pas daljes nga burgu, mësohet se dy familjet kanë arritur që të shuajnë mosmarrëveshjet, pasi kanë pirë dhe kafet për ‘larjen’ e gjakmarrjes. Por sot në rrethana ende të paqarta, 63-vjeçari ka vrarë me armë gjahu 52-vjeçarin.
Ka dyshime se vajza e autorit ka pasur më herët një lidhje me viktimën e sotme. Menjëherë pas vrasjes, autori i dyshuar i kësaj ngjarje, pasi ka kryer krimin ka telefonuar policinë dhe ka treguar mbi rrethanat e ngjarjes dhe më pas ka kërkuar të vetëdorëzohet.
Njoftimi i Policisë:
Mat/informacion paraprak
Më datë 21.01.2024, në fshatin Vig, në Burrel, shtetasi I. M., rreth 63 vjeç, ka vrarë me armë gjahu shtetasin P. K, rreth 52 vjeç.
Autori i dyshuar i kësaj ngjarje, pasi ka kryer krimin ka telefonuar Policinë dhe ka treguar mbi rrethanat e ngjarjes dhe më pas ka kërkuar të vetëdorëzohet.
Nga hetimet paraprake të kryera dyshohet se ngjarja ka ndodhur për arsye se, viktima shtetasi P.K., në vitin 2013, për motive të dobëta ka plagosur vajzën e shtetasit I.M.
j.l,/ dita
