Një ngjarje e rëndë ka ndodhur në Gjermani, ku një shqiptar nga Kosova është vrarë me armë zjarri nga një shtetas gjerman.
Lajmin e kanë bërë të ditur mediat vendase, sipas të cilave vrasja ka ndodhur për motive të dobëta.
Mësohet se viktima është 31-vjeç dhe pas ngjarjes është dërguar në spital, por nga plagët e rënda ka ndërruar jetë.
Ngjarja ka ndodhur dy ditë më parë, ndërsa sipas autoriteve vendase, shqiptari është vrarë nga ish-partneri i të dashurës, i cili ka rënë në prangat e policisë.
Nga hetimet e policisë kriminale të Freiburgut rezultoi se autori i dyshar, një 29-vjeçar, i shoqëruar nga një familjar, ka shkuar në adresën e shtëpisë së ish-partneres së tij ditën e krimit.
Një mosmarrëveshje për pronën ka bërë që i dyshuari të nxjerrë papritur armën dhe të qëllojë në drejtim të ish-partneres së tij, por plumbat kanë kapur 31-vjeçarin shqiptar. Më pas autori është larguar me shpëjtësi nga vendngjarja.
Autori i dyshuar, një 29-vjeçar me kombësi gjermane, fillimisht u arratis, por u arrestua rreth orës 15:00 në zonën Auggener Ëeg pa rezistencë.
Ndërkohë ai ndodhet në paraburgim dhe nuk ka folur ende për ngjarjen në fjalë.
Policia Kriminale ka nisur hetimet për zbardhjen e rrethanave të ngjarjes.
j.l./ dita
