Ministrja për Evropën dhe Punët e Jashtme, Olta Xhaçka është pritur në një takim nga zëvendëskryeministrja dhe ministrja e Punëve të Jashtme dhe Diasporës e Kosovës, Donika Gërvalla.
Nga Prishtina, Xhaçka u shpreh se Shqipëria mbështet fuqishëm Kosovën në çdo hap të procesit të dialogut, pasi siç tha, ky është interes kombëtar.
Ministrja Xhaçka theksoi se njohja e pavarësisë së Kosovës nga Serbia që duhet të vijë nga një marrëveshje e detyrueshme, është domosdoshmëri për mbarë rajonin e Ballkanit Perëndimor.
“Çështja e më rëndësishme në këtë kontekst, është mbështetja ndaj dialogut Kosovë-Serbi dhe arritja e marrëveshjes së detyrueshme ligjore që sjell njohjen e ndërsjellë midis dy vendeve dhe i hap rrugë anëtarësimit të Kosovës në OKB dhe në organizatat tjera ndërkombëtare. Arritja e kësaj marrëveshjeje është një domosdoshmëri jo vetëm për Kosovën e Shqipërinë, por për mbarë rajonin tonë. Dua ta përgëzoj Qeverinë e Kosovës për arritjen e marrëveshjes e para disa ditëve, që ndihmon jo vetëm në uljen e tensioneve, por edhe në nisjen e bisedimeve për arritjen e marrëveshjes për normalizim e plotë të marrëdhënieve. E padyshim, me mbështetjen e pakufizuar të Shqipërisë në çdo hap të këtij procesi. Shqipëria e ka mbështetur dhe vazhdon ta mbështesë Kosovës në gjithë këtë rrugëtim, sepse për ne ky është interes kombëtar. Ne po ashtu i mbështesim aspiratat e Kosovës për integrim euro-atlantik”, theksoi Xhaçka.
a.m/dita
Me se e vertete. Pa njohjen e Kosoves Serbia nuk ka per te bere hapa para.
Njohja reciproke e mundesise së,
Nje “Bashkepunim Rajonal” të dobishem,
Fillon me njohjen e Kosoves nga Serbia.
Ne nuk mund te kerkojme per vete “Diçka”,
Që nuk ja njohim te tjereve, kur “Ato Diçkara”,
Jane te “Baras_Vlefshme”, ne raport “me njera tjetren”.
Që gjithe Shqipetaret, kudo qe jane, te jene te bashkuar,
Kerkon qe edhe Serbet, kudo qe janë, te jene te bashkuar.
Ky eshte nje kusht qe siguron paqe, qetesi, perparim,
Në Ballkanin e “Hapur apo Perendimor”.
Po te jete i hapur, me kalimin e kohes, mund te perfshije,
Te te gjithe krahun e djathte te Adriatikut,
Të shndrohet ne B.Perendimor.