Një “Youtuber’, ithtar i teorisë se Toka është e sheshtë, bëri çmendurinë duke shpenzuar plotë 18 mijë euro për ta vërtetuar, por në fund arriti të tregonte të kundërtën: se ishte e rrumbullakët.
Bëhet fjalë për Bob Knodel, që kreu një eksperiment me të cilin ai shpresonte të provonte se Toka është e sheshtë. Një studim që i kushtoi 18 mijë euro, por që shkoi shumë keq.
Edhe pse nuk ka asnjë provë që planeti ynë është i sheshtë, ky njeri bleu një xhiroskop lazer, por ishte duke vërtetuar të kundërtën e asaj që propozon teoria e tij.
“Ajo që gjetëm është, kur e ndezëm atë xhiroskop, se po kapnim një lëvizje. Një lëvizje prej 15 gradë në orë. Tani, padyshim që ne u goditëm nga kjo: “Uau, ky është një problem. Ne nuk ishim të gatshëm të pranonim. Kjo është arsyeja pse ne filluam të kërkonim mënyra për të hedhur poshtë se në të vërtetë po regjistronte lëvizjen e Tokës”, shpjegoi Knodel pas eksperimentit.
Në fakt, Bob Knodel mori pjesë në dokumentarin e Netflix ‘Behind the Curve’, ku ekspozohen teori të ndryshme rreth tokës së sheshtë. Në atë kohë ajo u bë virale dhe pas eksperimentit, ai u kthye në një ndër yjet e internetit.
Dokumentari tregoi gjithashtu një ‘ithtar’, duke kryer një eksperiment në të cilin drita e pishtarit shkëlqeu përmes vrimave, të cilat, edhe një herë, rastësisht vërtetuan se planeti ynë është i rrumbullakët.
