Ambasadorja amerikane në Tiranë, Yuri Kim ka zhvilluar ditën e sotme një takim me deputeten e Partisë Demokratike, Jorida Tabakun në Kryesinë e Kuvendit.
Në fokus të bisedës së tyre mësohet të ketë qenë çështja e integrimit të Shqipërisë në Bashkimin Europian dhe çështje që lidhen me politikën e brendshme në vend.
Depuetja e Partisë Demokratike, Jorida Tabaku ka zbardhur dhe tamin që ka zhvilluar me ambasadoren e SHBA-së, Yuri Kim. Takim që u mbajt në kryesinë e Kuvendit ku e pranishme ishte depuitetja e Partisë Socialiste, Etilda Gjonaj.
Me anë të një postimi në Twitter Tabaku shkruan se fiokusi i takimit ishin zgjedhjet e lira dhe lufta ndaj korrupsionit.
“Sot diskutova me ambasadoren amerikane në Shqipëri prioritetet e procesit të integrimit ????????, rëndësinë e përfshirjes së drejtësisë. S’ka rrugë tjetër veç përmbushjes së kushteve për të sjellë ndryshimin: Luftimi i korrupsionit, krimit të organizuar; zgjedhjet e lira dhe të ndershme duhet të jenë kryefjala e politikës! Gjithashtu fokus të veçantë morën dhe shqetësimet e opozitës & ekspertëve të pavarur mbi nismat e fundit qeveritare si: Amnistia Fiskale, Pasaportat e Arta, Legalizimi i Kanabisit që nuk janë projekte nën frymën e integrimit ndaj i duhet thënë stop. E angazhuar për të mbikëqyrur dhe kontrolluar punën e qeverisë në këtë proces; duhet ndryshuar mentaliteti administratës publike! I bëj thirrje qeverisë ta përdorë procesin e integrimit si një mënyrë për tërheqjen e mijërave të rinjve të talentuar që janë larguar nga Shqipëria”, shkruan Tabaku.
Disa ditë më parë ambasadorja e Shteteve të Bashkuara të Amerikës, Yuri Kim ka zhvilluar një takim dhe me kreun e Partisë së Lirisë, Ilir Meta.
Takimi me Metën u zhvillua në selinë e Partisë së Lirisë dhe pas takimit në reagimin e saj ambasada u shpreh se ky takim lidhet me takimet që ambasadorja po zhvillon me drejtuesit politik dhe përfaqësues të partive politike.
j.l./ dita
