Protesta e sotme e lajmëruar nga opozita nuk i përmbushi pritshmëritë e saj. Në dokumentin e dërguar në polici, Berisha njoftoi se të pranishëm do të jenë nga 80 mijë deri në 100 mijë protestues, mirëpo kjo duket se ishte një “ëndërr” e tij.
Në të vërtetë, realiteti ishte krejtësisht tjetër. Që me rikthimin e tij në krye të PD-së, Berisha ka zhvilluar jo pak protesta dhe më shumë se një kauzë në interes të qytetarëve, të gjitha kanë qenë “teste” për të kuptuar se sa veta ka pasur rreth vetes, nisur edhe nga fakti se vendi është në prag të zgjedhjeve lokale.
Mirëpo, përtej luftës së tij të brendshme dhe konfirmimit si lider i demokratëve, Berisha u pa shumë i vogël në krahasim me kauzën e madhe që kishte ngritur, për të rrëzuar Ramën dhe ardhjen e PD-së në pushtet. Berisha e sheh vetes si kundërshtarin kryesor që mund ta rrëzojë Ramën nga pushteti, mirëpo nuk shihet si i tillë nga populli opozitar.
m.b./dita
