Një planet i çuditshëm që ka penguar astronomët për vite me radhë, u zbulua se ka një “atmosferë jashtëzakonisht të shndritshme” dhe mund të jetë shtëpia e sasive të mëdha të avullit dhe ujit të nxehtë, thanë shkencëtarët në një studim të botuar të mërkurën në revistën ‘Nature’.
Planeti i largët, i cili është jashtë sistemit tonë diellor rreth 40 vite dritë larg, është plotësisht i mbuluar nga një mjegull e thellë, që e ka bërë të vështirë studimin që kur u zbulua për herë të parë në fund të vitit 2009, thanë studiuesit. Eliza Kempton, një profesoreshë e asociuar e astronomisë në Universitetin e Maryland dhe autori kryesor i studimit, tha se ajo është duke u përpjekur për të marrë një pamje më të qartë të planetit për më shumë se një dekadë.
“Çfarëdo që përbën mjegullat ose retë nuk është ajo që prisnim. Është e ndritshme, është reflektuese dhe kjo është konfuze dhe befasuese”, tha Kempton, sipas Universitetit të Maryland. “Kjo do të na drejtojë drejt shumë studimeve të mëtejshme për t’u përpjekur të kuptojmë se cilat mund të jenë ato mjegull.”
Teleskopi Hapësinor James Webb kohët e fundit ndihmoi për të zbuluar informacione të reja rreth planetit, të quajtur zyrtarisht GJ 1214b. Planetet si GJ 1214b shpesh quhen planete mini-Neptuni, sepse janë më të vegjël se Neptuni, por me një përbërje të ngjashme atmosferike. Sipas NASA-s, ata janë lloji më i zakonshëm i planetit në galaktikë, megjithëse nuk ekziston asnjë në sistemin tonë diellor. Ndërsa studionin GJ 1214b, studiuesit gjurmuan planetin në pothuajse të gjithë orbitën e tij për rreth 40 orë, sipas NASA-s. Viti i planetit zgjat vetëm 1,6 ditë tokësore.
“Aftësia për të marrë një orbitë të plotë ishte vërtetë kritike, për të kuptuar se si planeti shpërndan nxehtësinë nga ana e ditës, në anën e natës”, tha Kempton në një postim në Laboratorin Jet Propulsion të NASA-s. “Ka shumë kontrast mes ditës dhe natës. Ana e natës është, çuditërisht, më e ftohtë se ajo e ditës, me temperatura që lëvizin nga 535 në 326 gradë. Këto temperatura janë në fakt më të ftohta se sa pritej. Temperaturat më të ftohta janë shkaktuar nga ajo që NASA e përshkroi si një “atmosferë e pazakontë me shkëlqim”. Atmosfera reflekton një pjesë të madhe të dritës nga ylli i saj mëmë në vend që ta thithë atë dhe të bëhet më i nxehtë”, tha ajo.
