Grupi i deputetëve të Partisë Demokratike që mbështesin Enkelejd Alibeaj kanë bërë sot prezantimin e draftit të Reformës Territoriale në Grupin Parlamentar të PD, ku kanë marrë pjesë vetëm deputetët që nuk janë rreshtuar me Sali Berishën. Sipas diskutimeve mësohet se disa nga bashkitë që shtohen janë si më poshtë: Bashkia Sukth; Bashkia Fushë-Krujë; Bashkia Farkë; Bashkia Ndroq, ndërkohë Paskuqani i bashkohet Bashkisë Tiranë dhe Zallherri i bashkohet Bashkisë Kamëz; Bashkia Maqellar, Kastriot dhe Lurë në qarkun Dibër; Bashkia Shpirag në qarkun Berat; Bashkia Dukagjin dhe Velipojë në Qarkun Shkodër; Bashkia Shpat dhe Bashkia Bardashesh në qarkun Elbasan; Bashkitë Milot, Orosh, Zadrimë dhe Bregu i Matës në qarkun Lezhë; Bashkitë Levan, Dushk, Ardenicë dhe Fratër në qarkun Fier; Bashkitë Shishtavec dhe Bicaj në qarkun Kukës; Bashkitë Leskovik, Voskopoj, Drenovë, Pojani dhe Stravë në qarkun Korçë; Bashkitë Orikum, Ksamil, Novosel dhe Kote në qarkun Vlorë.
Mësohet se deputetët kanë bërë disa propozime shtesë dhe sugjerime për ndryshime të cilat pasi të rishikohen nga ekspertët, secili prej deputetëve deri javën e ardhshme do të finalizojnë draftin që do ti propozojë zyrtarisht Grupi Parlamemtar i Partisë Demokratike.
Ndërkohë që nga 12 qarqe Grupi Parlamentar i PD propozon rigrupimin në 6 Rajone, që përmbledhin Rajonin Tiranë-Durrës; Rajoni Shkodër-Lezhë; Rajonin Kukës-Dibër; Rajonin Gjirokastër-Berat; Rajonin Fier-Vlorë dhe Rajonin Elbasan-Korçë.
6 RAJONE
1- Rajoni Tiranë-Durrës
2- Rajoni Shkodër-Lezhë
3- Rajoni Kukës-Dibër
4- Rajoni Gjirokastër-Berat
5- Rajoni Fier-Vlorë
6- Rajoni Elbasan-Korçë.
Projektligji për ndarjen e re administrativo-territoriale pritet të miratohet në fund të muajit shtator. Grupi për Territoriale përbëhet nga 16 anëtarë, 8 nga mazhoranca dhe 8 opozita, duke përfshirë edhe aleatët, Vangjel Dule e Mesila Doda.
Socialistët kanë deklaruar se kundërshtojnë rritjen e numrit të bashkive dhe ndarjen në rajone. Demokratët shprehen se pakësimi i bashkive largojnë shërbimet nga qytetarët dhe se duhen shtuar zonat administrative.
j.l./ dita
Kur do bëhet e mundur që të përfundojë njlherë e mirë reform territoriale? Dhe a do.mbajnë.përgjegjësi, të.paktën historike paraarfhësit e reforimave territotile që kanë dalë nul? Kur dë kuptojnë pushtetarët se duhrn fshirë emrat sllavo-greke të fshatrave, krahinave etj. dhe të emëryohen në shqip?
Te gjendet nje formule qe te pakesohet bashkite dhe te pakesohen shpenzimet. E pa pranueshme per mua qe pedagoget universitar te fushes perkatese nuk i shoh si propozues e iniciator te reformes teritoriale. Kam pershtypjen qe nuk i perfill politika. Injorance e pushteteshme qe na kushton vazhdimisht si popull