Shkaku i vdekjes së aktorit të njohur Ray Liotta është zbuluar zyrtarisht; dështimi i zemrës dhe problemet e frymëmarrjes, sipas TMZ. Dokumentet e marra përmendën dështimin akut të zemrës, pamjaftueshmërinë e frymëmarrjes dhe edemën pulmonare (akumulimin e tepërt të lëngjeve në mushkëri), si shkakun e vdekjes së aktorit, i cili u kategorizua si natyral dhe jo i dhunshëm.
Zyrtarët mjekësorë në Republikën Domenikane zbuluan gjithashtu se Liotta vuante nga ateroskleroza – e njohur më mirë si trashje e arterieve – e cila shpesh mund të çojë në probleme si sëmundjet e zemrës. Liotta ndërroi jetë në gjumë, në moshën 67-vjeçare, në maj të vitit 2022, gjatë xhirimeve të “Dangerous Waters” në Republikën Domenikane. Ai la pas të fejuarën e tij Jacy Nitolo dhe vajzën Karsen. Në shkurt, Liotta u nderua me një yll pas vdekjes në ‘Hollywood Walk of Fame’.