Presidenti i Ukrainës, Volodymyr Zelensky ka zhvilluar një telefonatë me presidentin e SHBA, Joe Biden, ku kanë diskutuar për situatën në luftë. Zelensky shkruan se bota duhet të ushtrojë presion mbi Rusinë derisa të rivendoset rendi ndërkombëtar.
“Unë fola me presidentin e SHBA-së Joe Biden. Një bisedë pozitive dhe frymëzuese. Ne diskutuam armiqësitë dhe proceset e vazhdueshme në Rusi. Bota duhet të ushtrojë presion mbi Rusinë derisa të rivendoset rendi ndërkombëtar.” Këtë e shkruan në Telegram Volodymyr Zelensky.
“Është e rëndësishme të rriten më tej aftësitë ushtarake të Ukrainës. Në këtë kontekst, e falënderova për mbështetjen e koalicionit të avionëve luftarakë. Ne diskutuam për zgjerimin e mëtejshëm të bashkëpunimit të mbrojtjes, me fokus në armët me rreze të gjatë”, shtoi Zelensky.
