Në Komisionin Shtetëror të Zgjedhjeve (KQZ), është zhvilluar të shtunën një takim me përfaqësuesit e pakicave kombëtare, me qëllimin për të diskutuar përgatitjet e procesit zgjedhor 2025.
Lajmi është bërë i ditur nga kryekomisioneri Shtetëror i Zgjedhjeve, Ilirjan Celibashi.
Sipas një postimi në platformat sociale,
Celibashi bën të ditur se në fokus të takimit ishte puna e bërë deri më tani në lidhje me informimin e pakicave kombëtare në gjuhën e tyre, për procesin zgjedhor dhe çfarë duhet bërë më tej, me qëllim përmirësimin e informimit dhe edukimit të pakicave kombëtare për zgjedhjet e ardhshme.
“Vura theksin tek e drejta e gjithkujt për të marrë informacion zgjedhor në prag të zgjedhjeve dhe mbi të gjitha nëpërmjet të gjitha mjeteve të informimit”, informon Celibashi.
Në këtë takim Celibashi ka shprehur gatishmërinë e plotë të KQZ-së për të bërë çfarë është më e mira për çështjet që secila pakicë kombëtare ka interes.
“Në këtë takim me pakicat kombëtare theksova se materialet zgjedhore do të jenë të përkthyera në gjuhët amtare, për 9 pakicat kombëtare që me ligj njihen në Shqipëri”, shkruan Celibashi.
i.b./dita
