Kryekomisioneri Shtetëror i Zgjedhjeve, Ilirjan Celibashi thotë se votuesit shqiptar i mungon orientimi për të votuar si duhet në zgjedhje, sidomos kur bëhet fjalë për zgjedhjet vendore.
Sipas tij, nëse ai do të ishte i angazhuar politikisht, do t’i sqaronte votuesit se çfarë është Këshilli Bashkiak dhe ku është dallimi ndërmjet kryetarit të bashkisë dhe Këshillit Bashkiak.
Në emisionin “Barometri” në Euroneës Albania, Celibashi u shpreh se kjo do ti interesonte dhe vetë palëve politike.
“Edukimi fillon që në kopsht dhe na mungon në fakt në tërësi, si shoqëri, aspekti edukativ, institucional i votuesve me procesin zgjedhor. Pra edhe palët politike kanë një interes që shqiptarët ta dinë si votohet dhe çfarë roli ka Këshilli Bashkiak”, theksoi ai.
m.b./dita
