Pjesëmarrja e diasporës në zgjedhjet e 11 majit po dominohet nga emigrantët në Itali, ndërsa Greqia ka surprizuar me një pjesëmarrje shumë të ulët deri tani, pavarësisht numrit të lartë të të regjistruarve.
Ishin 91,216, shqiptarë që jetojnë në Itali që u regjistruan për të votuar nga jashtë, nga të cilat deri në mëngjesin e kësaj të mërkurë, 40,471 e kanë sjellë votën në Shqipëri.
Ndërkohë nga Greqia deri më tani kanë kthyer zarfin në Shqipëri vetëm 8,487 emigrantë edhe pse në PER janë regjistruar më shumë se 68 mijë.
Pas Italisë renditen Gjermani dhe SHBA, me nga 5.4% dhe 3.6% të zarfeve të kthyera në KQZ.
Qarqet ku diaspora ka sjellë më shumë vota deri mëngjesin e kësaj të mërkure janë Tirana, Durrësi, Fieri, Elbasani dhe Korça.
Në total deri më tani janë mbi 88 mijë emigrantë shqiptarë që kanë votuar për zgjedhjet e 11 majit dhe zarfet e tyre kanë mbërritur në KQZ.
i.b./dita
Apapapapapa dhe mos e pyet, vota e ketyre 88 mije te ikurve do te jete vendimare per te ardhmen e Shqiperise…
Votoni partite e reja, kedo parti te re te votoni nuk ka rendesi, rendesi ka asnjera nga 2 partite e medha te mos kete mundesi te krijoje qeveri e vetme. ah se per pak desh harrova,as partine e Doshit mos e votoni.