Për herë të parë në historinë e vendit, emigrantët po votojnë për parlamentaret e 11 majit nga vendi ku ata jetojnë.
Komisioni Qendror i Zgjedhjeve (KQZ) ka përfunduar procesin e dërgimit të zarfeve me fletëvotimet për shqiptarët jashtë vendit. Sipas shifrave zyrtare të publikuara nga KQZ-ja, deri sot janë marrë nga zgjedhësit 164.022 zarfe, ndërsa 22.534 kanë mbërritur në KQZ.
Deri tani më shume zarfe kanë ardhur nga Italia 6,8%, Gjermania 1,5% Mbretëria e Bashkuar 1,0%, Shtetet e Bashkuara te Amerikës 0,7% dhe Greqia 0,7%. Për zarfet e mbërritura sipas qarqeve, vendin e parë e zë Durrësi me 3,6%, më pas Elbasani me 1,8%, Berati me 1,4%, Dibra me 1,3%, Tirana me 1,2% dhe Lezha me 0,8%.
Votuesit në diasporë kanë kohë ta plotësojnë dhe ta dërgojnë fletën e votimit me postë deri në javën e parë të muajit maj. Çdo votë që mbërrin në Shqipëri pas datës 11 maj, ora 19:00, do të konsiderohet e pavlefshme.
Vendi i caktuar për administrimin e këtij procesi është Pallati i Sportit “Feti Borova”, pranë Parkut Olimpik Tiranë, ku do të kryhet edhe numërimi i votave të diasporës.
Zarfet po monitorohen 24 orë nga kamera të sigurisë, por dhe përfaqësues të partive politike.
i.b./dita
Emigrantët shqiptarë duke qenë më të larguar nga vendi janë, më larg ngarkesave emocionale, sepse janë larg ndikimit të fushatave zgjedhore, votojnë me qetësi dhe me logjikë duke vlerësuar me objektivitet partitë politike me programet e
tyre përkatëse.
Unë mendoj se partia më e preferuar e tyre do të jetë partia “lëvizja bashkë” për arësye të programit të saj social, pikërisht atij programi qe të mënjanojë
polarizimin klasor të skajshëm të shoqërisë shqiptare.
Një politikë e tillë do t’i japë më shumë mundësi zhvillimit të vrullshëm të vendit duke e bërë më të harmonizuar dhe të cilivizuar shoqërinë si dhe duke sjellë një mentalitet të ri për punën, dhe ekonominë e qëndrueshme që arrihet nëpërmjet saj.
Polarizimi i skajshëm eshtë humnerë e rrezikshme për një zhvillim të qëndrueshëm të demokracisë.