Vetëm pak orë përpara skadimit të afatit zyrtar të vendosur nga KQZ-ja për depozitimin e listave të kandidatëve, ethet në dy selitë kryesore janë shtur së tepërmi.
Siç edhe pritej, më shumë zhvillime ka pasur në radhët e koalicionit opozitar, i cili tashmë nga 26 parti, është rrudhur në 25. Kjo për shkak se partia e minoritetit maqedonas, e cila pretendonte një vend në listen e hapur të qarkut të Korçës, ka dalë nga koalicioni.
Ndërkohë jo vetëm aleatët, por edhe brenda grupit parlamentar të PD-së ka nisur tashmë largimi i atyre që nuk do të kandidohen.
Dashnor Sula, deputet i qarkut të Elbasanit, është njoftuar që nuk do të jetë kandidat për deputet, për shkak, siç thotë ai, të qëndrimeve pro SPAK-ut.
Në selinë e demokratëve, kryetari Berisha ka njoftuar një mbledhje kryesie dhe më pas mbledhjen e Këshillit Kombëtar që do të miratojë edhe listën përfundimtare të kandidatëve për deputetë.
Nga ana tjetër, kryeministri Rama ka nisur në mesditë mbledhjet e veçanta me të gjithë drejtuesit politikë në 12 qarqet e vendit.
Zyrtarisht dihet fakti që Petro Koçi nuk do të jetë kandidat për deputet, ndërkohë që tre kryebashkiakë, i Burrelit, Tepelenës dhe Beratit kanë dhënë tashmë dorëheqjen për t’iu bashkuar listës së socialistëve.
Do të jetë ora 18:00 kur Rama dhe Kryesia Socialiste do të hartojnë listën finale për ta dorëzuar në KQZ para orës 24:00.
Të 12 drejtuesit politik do të dalin një e nga një për të lexuar emrat e skuadrave të tyre në garën e 11 Majit sipas formulës, drejtuesit politik, gratë dhe të rinjtë në listën e mbyllur, ndërsa të tjerët në listën e hapur në një garë të fortë mes veti.
i.b./dita
Po ky Manja,dosjen e vet mban nen sqetull ? Shpresoj qe SPAK te mos e kete mbyllur.
E ke gabim Liro, ai maloku Manja aq debil ne pergjithesi kur vjen puna per bythen e vet behet bythe e zgjuar dhe ate Dosje pra qe ka nen sqetull e ka te zullumeve te Rames e prej saj siguron dhe vendin ne liste per deputet (ja pse Ram kaqoli rri ashtu surrat-ngrysur kur e ka prane)